म्याराडोनाको निधन पछि अर्जेन्टिनामा ३ दिन राष्ट्रिय शोक घोषणा
वि.सं.२०७७ मंसिर ११ बिहीवार १८:४१
काठमाडैं – डिएगो मयारोडोनाको निधन पछि अर्जेन्टिनामा तीन दिन राष्ट्रिय शोक घोषणा गरिएको छ । बुधबार ६० वर्षको उमेरमा हृदयाघातका कारण म्याराडोनाको निधन भएको हो । म्याराडोनाको पार्थिव शरीरलाई राष्ट्रपति भवन कासा रोसारा ल्याउको छ, यहाँ तीन दिनसम्म मानिसहरुले श्रद्घाञ्जली दिन सक्नेछन् ।
म्याराडोनाको निधन पछि टिमका साथी रहेका ओहवाल्दो अर्विलेसले म्यारोडोनाले जति प्रसिद्घि र प्रशंसा पाए त्यो अहिलेका फुटबलका सुपरस्टार लियोनल मेस्सी र क्रिस्टियानो रोनाल्डोले कहिल्यै पनि पाउन नसक्ने बताएका छन् ।
फुटबल दुनियाँका कैयौ हस्तीहरुले म्याराडोनालाई श्रद्घञ्जली दिए । यसमा ब्राजिलका महान् खेलाडी पेले देखि लिएर मेस्सी, रोनाल्डा पनि सामेल छन् ।
पेलेले श्रद्घाञ्जलीमा भनेका छन् मैले एक निकट साथी गुमाएँ र विश्वले एक महान खेलाडी गुमाएको छ । मलाई आशा छ हामी एक दिन आकाशमा एकैसाथ फुटबल खेल्नेछौ ।
म्यानचेस्टर सिटीका म्यानेजर पेप ग्वाआर्डिएलोले म्याराडोनाले विश्व फुटबललाई अझ राम्रो बनाएको बताएका छन् ।
अर्बिलेसले मानिसहरु पोर्चूगलका स्ट्राइकर रोनाल्डोलाई मन पराउँछन्, अर्जेन्टिनाका फरवार्ड मेस्सीलाई मन पराउँछन् तर म्याराडोनाले पाएको जस्तो प्रसिद्घि सपना पनि पाउन नसक्ने बताए ।
बुधाबारको च्याम्पियन्स लिगको खेलमा म्याराडोनाको सम्मानमा एक मिनेटको मौनधारण राखिएको थियो । यस हप्ताको युरोपेली फिक्सर्समा पनि एक मिनेटको मौनधारण राखिनेछ ।
बुधाबार अर्जेन्टिनामा फुटबाल क्लब इन्टरनेशनल र म्याराडोनाको पूर्व क्लब बोका जुनियर्सबीच खेल थियो । जसलाई रद्द गरिएको थियो । निकै संख्यामा प्रशंसकहरु स्टेडियम पुगेका थिए र म्याराडोनाको निधनलाई लिएर भावुक हुदै रोए पनि त्यस्तै म्याराडोना रहँदै आएका स्थान एण्ड्रेसमा पनि ठुलो संख्यामा प्रशंसकहरु पुगेका थिए । अर्जेन्टिनाको राधानीमा म्याराडोनाका प्रशंसकहरु विभिन्न तरिकाले सम्झिरहेका छन् ।
हजारैं माइल टाढा इटलीमा नेपोलीको सान पाउलो स्टेडियममा मानिसहरु भेला भए र त्यहाँ पनि म्याराडोनालाई श्रद्घाञ्जली दिए । यो ठाउँ म्याराडोनाको लागि विषेश छ, उनले त्यहाँ इटालियन क्लबका लागि १८८ खेल खेल्दै ८८ गोल गरेका थिए ।
मानिसहरुले म्याराडोना शर्ट र फेस मास्क पनि लगाएका छन् । नेपोलीमा पनि म्याराडोनाको निधनको खबरले पूरै शहर शोकमा डुबेको छ । शहरका मेयरले सन पाउलो स्टेडियमको नाम म्याराडोना राख्ने पनि घोषणा गरेका छन् ।
सर्वकालीन सर्वाेत्कृष्ट खेलाडीका रुपमा लिइने म्याराडोनाले आफ्नो कप्तानीमा सन् १९८६मा अर्जेन्टिनालाई विश्व कपको उपाधि दिलाएका थिए ।
यो पनि पढ्नु होस् https://www.akhabarnepal.com/category/sports/
वि.सं.२०७७ मंसिर ११ बिहीवार १८:४१