अखबार नेपाल ट्रेन्डिङ

एजेन्सीः युईएफए नेसन्स लिग फुटबलमा विश्व विजेता फ्रान्सले क्रोएसियालाई पराजित गरेको छ ।

गएराति क्रोएसियाको घरेलु मैदानमा फ्रान्स २–१ ले विजयी भयो ।

नेसन्स लिगको पहिलो चरणमा समेत फ्रान्सले क्रोएसियालाई ४–२ ले पराजित गरेको थियो ।

फ्रान्सको जितमा एन्टोइन ग्रिजम्यान र केलियन एम्बाप्पेले गोल गरे । त्रोएसियाका निकोला भ्लासिकले एक गोल फर्काए ।

फ्रान्सका लागि खेलको आठौं मिनेटमा ग्रिजम्यानले गोल गरेपछि अग्रता बनाएको थियो ।

६४ औं मिनेटमा भ्लासिकले गोल गरेपछि घरेलु टोलीले खेल १–१ को बराबरीमा पुर्यायो । तर ७९ औं मिनेटमा एम्बाप्पेले फ्रान्सका लागि विजयी गोल गरे ।

जितसंगै लिग ए को तेस्रो ग्रुपमा रहेको फ्रान्सले १० अंक जोडेको छ ।

फ्रान्स समान अंक भएको पोर्चुगलसंग गोल अन्तरका आधारमा पछि पर्दै दोस्रो स्थानमा छ । पराजित क्रोएसिया भने तालिमा ३ अंक सहित तेस्रो स्थानमा छ ।