अखबार नेपाल ट्रेन्डिङ

एजेन्सीः पोल्याण्डले नेसन्स लिग फुटबलमा सहज जित दर्ता गरेको छ ।

गएराति भएको खेलमा लेवान्डोस्की प्रेरित पोल्याण्डले बोस्निया हर्जगोभिनालाई ३–० गोल अन्तरले पराजित गरेको हो ।

इटाली र नेदरल्याण्ड रहेको समूहमा पोल्याण्ड ७ अंक सहित शीर्ष स्थानमा उक्लियो ।

खेलको सुरुवातमै अनल अहमदजिकले रातो कार्ड खादै मैदान बाहिरिएपछि बोस्निया १० खेलाडीमा सिमित बनेको थियो ।

लेवान्डोस्कीले ४० औं मिनेटमा पोल्याण्डलाई अघि बढाएका थिए । कारोल लिनिसीले ४५ औं मिनेटमा पोल्याण्डको अग्रता दोब्बर बनाए ।

लेवान्डोस्कीले ५२ औं मिनेटमा व्यक्तिगत दोस्रो गोल गर्दै पोल्याण्डलाई ३–० को जित दिलाए ।

सोही समूहको अर्को खेलमा इटाली र नेदरल्याण्डले १–१ गोलको बराबरी खेल्दै अंक बाँडे । खेलमा अग्रता इटालीले १६ औं मिनेटमा लोरेन्जो पेलेग्रिनीको गोलबाट लिएको थियो ।

समूह ए वानमा इटाली ६ अंक सहित दोस्रो र नेदरल्याण्ड ५ अंक सहित तेस्रो स्थानमा छ । पोल्याण्ड ७ अंक सहित शीर्ष स्थानमा रहदाँ बोस्निया हर्जगोभिना २ अंक सहित तालिकाको पुछारमा छ ।