अखबार नेपाल ट्रेन्डिङ

एजेन्सीः म्यान्चेस्टर युनाइटेड इङ्ग्लिस फुटबल लिग कपको अघिल्लो चरण प्रवेश गरेको छ ।

गएराति भएको खेलमा च्याम्पियनसिप क्लब लुटन टाउनलाई ३–० ले पराजित गर्दै युनाइटेड अघिल्लो चरणमा प्रवेश गरेको हो ।

युनाइटेडको जितमा जुआन माटा, मार्कुस रासफोर्ड र मासन ग्रिनवुडले एक एक गोल गरे ।

युनाइटेडले खेलको ४४औं मिनेटमा पेनाल्टी मार्फत गोल गर्दै अग्रता बनायो ।

८८औं मिनेटमा मार्कुस रासफोर्ड गोल गर्दै खेललाई २–० को स्थितीमा पुर्याए ।

यस्तै खेलको अन्तिममा थपिएको समयमा ग्रिनउडले गोल गर्दै युनाइटेडलाई ३–० को सहज जित दिलाए ।