अखबार नेपाल ट्रेन्डिङ

बिबिसी ः कोरोना भाइरस कोभिड–१९ को बैंक नोट,मोबाइल फोनको स्क्रिन र स्टिल लगायतका सतहमा २८ दिनसम्म बाँच्न सक्ने एक अध्ययनले देखाएको छ ।

अस्ट्रेलियाको राष्ट्रिय विज्ञान निकायका सोधकर्ताहरुले गरेको एक अनुसन्धानमा क्रममा कोरोना भाइरस २८ दिन सम्म बाँच्न सक्ने देखिएको हो ।

तर अनुसन्धानकर्ताहरूले यो प्रयोग अँध्यारो अवस्थामा गरेका हुन् । परावैजनी वा अल्ट्राभायोलेट किरणले भाइरसलाई मार्ने अनुसनधान्धानबाट देखिएका सोधकर्ताको निष्कर्ष छ ।

तर कतिपय विज्ञहरूले भने वास्तविक जीवनमा सतहबाट हुने संक्रमणको जोखिमबारे शंका प्रकट गरेका छन् ।

यसअघि प्रयोगशालाहरूमा गरिएका अध्ययनमा सार्स–कोभ–२ भाइरस नोट, ग्लासलगायतका सतहमा २ देखि ३ दिनसम्म अनि प्लास्टिक तथा स्टीलमा ६ दिनसम्म बाँच्न सक्ने देखिएको थियो।

अस्ट्रेलियाली निकाय सीसीरोले गरेको पछिल्लो अनुसन्धानमा भने भाइरस निकै जन्ड देखिएको हो।

मोबाइल फोनको स्क्रीनजस्तो सम्म सतह अनि प्लास्टिक तथा पैसाका नोटमा २० डिग्री सेल्सियसको तापक्रममा भाइरस २८ दिनसम्म जीवित दाबी गरिएको छ ।

तुलनात्मक रूपमा फ्लु भाइरस उस्तै अवस्थामा १७ दिनसम्म जीवित रहन्छ।

यो भाइरस सामान्यतया मानिसहरूले खोक्दा, हाँच्छ्यू गर्दा वा बोल्दा सर्छ ।