अखबार नेपाल ट्रेन्डिङ

काठमाडौं:  सनराइज बैंकले दरबार हाई स्कूलमा डिजिटल शिक्षा विकास गर्न आर्थिक सहयोग गरेको छ । बैंकलको स्थापनाको १३ औं वर्ष पूरा भई १४ औं वर्षमा प्रवेश गरेको अवसरमा सामाजिक उत्तरदायित्व अन्तर्गत जोन्ता क्लब काठमाडौंलाई बैंकले आर्थिक सहयोग गरेको हो ।

बैंकले जोन्ता क्लब काठमाडौंसँग सहकार्य गरी दरबार हाई स्कूल अन्तर्गतको भानु मा.वि.का विद्यार्थीहरुलाई डिजिटल कक्षा सञ्चालन गर्न जोन्ता क्लब काठमाडौलाई तीन लाख रुपैयाँ सहयोग रकम हस्तान्तरण गरेको छ ।

बैंकको प्रमुख कार्यालय गैरीधारामा आयोजित एक कार्यक्रममा बैंकका प्रमुख कार्यकारी अधिकृत जनक शर्मा पौड्यालले जोन्ता क्लब काठमाडौंका अध्यक्ष सीमा गोल्छालाई आइतबार चेक हस्तान्तरण गरेका थिए ।

कोरोना भाईरस महामारिका कारणले शैक्षिक संस्थाहरु पूर्णरुपमा संचालन गर्न सकिएको छैन ।  निजी विद्यालयहरुले डिजिटल कक्षाहरु संचालन गरेतापनी सरकारी विद्यालयहरुमा डिजिटल कक्षाहरु संचालन गर्न प्रयाप्त सोत्र, साधान र प्रविधिको अभाव रहेको कुरालाई मध्यनजर गदै बैंकले उक्त सहयोग गरेको हो ।

जोन्ता क्लब काठमाडौंका अध्यक्ष सीमा गोल्छाले बैंकले डिजिटल शिक्षालाई प्राथमिकता दिई सो सहयोगले सरकारी विद्यालय, शिक्षक र विद्यार्थीहरुलाई धेरै प्रोत्साहन मिल्ने बताउनु भएको छ ।