अखबार नेपाल ट्रेन्डिङ

काठमाडौं: गीतकार सर्बेन्द्र अधिकारीको ‘नजरमा लुकाउँ कि’को म्युजिक भिडियो सार्वजनिक भएको छ । अधिकारीको गीतमा बेलायतमा बसेर पत्रकारिता गरिरहेका संजयभक्त कँडेलको अभिनय रहेको छ ।

लन्डनमा छांयाकन गरिएको गीतको भिडियोमा संजयसँगै निरु कोइरालाले अभिनय गरेका छन् । सुनिल राईको संगीत रहेको गीतमा शब्द र स्वर भने सर्बेन्द्र अधिकारीले दिएका छन् । नेपाल पत्रकार महासंघ बेलायतका महासचिब तथा अन्तराष्ट्रिय कलाकार संघ बेलायतका महासचिब रहेका कँडेलले गीतले माया-प्रेमको भाव अभिब्यक्त गर्न रोमान्स मुडमा प्रस्तुत हुने किसिमको सन्देश बोकेको बताए ।

प्रभु गुरुङको निर्देशनमा तयार भएको भिडियोको कोरियोग्राफी टीममा भने प्रभु र सुस्मिता थापाले साथ दिएका छन् । गीतलाई विनोद भुजेलले एरेन्ज गरेका छन् भने श्रृंगारमा एलिसा बानियाँले सहयोग गरेकी छिन् । युट्युब च्यानलबाट सार्वजनिक गरिएको गीतको भिडियो नविन निरौलाले सम्पादन गरेका छन् । गुणदेव घिमिरेको छायांकनमा रहेको उक्त भिडियोमा आशिष श्रेष्ठ र सुमन श्रेष्ठले सहायकको भूमिका निर्वाह गरेका छन् ।