अखबार नेपाल ट्रेन्डिङ

काठमाडौं: गायक विजय थापाको सुमधुर आवाजमा ‘आँसु बिक्ने सहर’ गीतको म्युजिक भिडियो हालै युट्युव च्यानलमार्फत सार्वजिनक भएको छ । शंकर भुजेलको शब्द रहेको उक्त गीत विभिन्न उमेर समुहका व्यक्तिहरुको मन-मस्तिष्कमा बस्ने खालको रहेको छ ।

विजय थापाको स्वर, एनिस एन्जल राईको संगीत, बुद्ध स्याङबोको एरेञ्ज, प्रकाश केसीको मिक्सिङ एण्ड मास्टरिङ, ड्रिम स्टुडियोको रेकर्ड रहेको ‘आँसु बिक्ने सहर’ बोलको गीतको म्युजिक भिडियोमा गायक स्वयम् विजय थापा, एमबी राउत र अप्सरा मगरको अभिनय रहेको छ ।

ओम प्रसाईको छायांकन र सम्पादन रहेको गीतको म्युजिक भिडियो काठमाडौं उपत्यका र आसपासका क्षेत्रलाई पृष्ठभूमि बनाएर अत्यन्तै सुन्दर दृश्यसहित छायांकन गरिएको छ । ग्यालरी हाउसको प्रोष्ट प्रोडक्सनमा बनेको उक्त गीतलाई गायक स्वयम् थापाले निर्देशन गरेका हुन् ।

साहित्य, कला, गीतसंगीतको भिडमा एक दशकदेखि संघर्षरत युवा प्रतिभा गायक थापा विभिन्न संघ संस्थाबाट सम्मानित भएका छन् । उनले ‘जिनियस म्यूजिक अवार्ड’ बाट र ‘बक्स अफिस म्यूजिक अवार्ड’ द्वारा पब्लिक च्वाईस अवार्डबाट समेत सम्मानित भएका छन् । हाल उनी विभिन्न स्टेज कार्यक्रममा व्यस्त छन् ।

हेर्नुहोस भिडियो