अखबार नेपाल ट्रेन्डिङ

एजेन्सी : कोरोना भाइरसका कारण कुनै बेला आक्रान्त बनेको चीन अब फेरी नयाँ भाइरसले आक्रमण गर्ने देखिएको छ ।

यसरी फैलिन लागेको नयाँ भाइरसको नाम क्याट क्यु भाइरस (सिक्युभी) र यो चीनमा द्रुत गतिमा फैलिरहेको एजेन्सीहरुले जनाएको छ ।

यो भाइरस विशेष गरी सुंगुर क्युलेक्स लामखुट्टेमा भेटिन्छ । क्याट क्यु भाइरस आथ्रोपड भाइरसको वर्ग अन्तर्गत पर्दछ ।

यो भाइरस अहिले चीन र भियतनाममा बढी देखा परेको छ । क्याट क्यु भाइरस शरीरमा छिटो फैलिन्छ, जसबाट उच्च ज्वरो र मेनिन्जाइटिस पनि हुन सक्ने जनाईएको छ ।

यस भाइरसको विषयमा छिमेकी देश भारतमा समेत भएको छ । भारतीय चिकित्सा अनुसन्धान परिषद् (आइसिएमआर) ले यस सम्बन्धमा चेतावनी समेत दिएको छ ।

नेशनल इन्ष्टिच्युट अफ भाइरोलजीको वैज्ञानिकहरूले यस भाइरसको प्रकृति बुझ्न एक अध्ययन गरेका छन् ।

आणविक र सेरोलोजिकल अनुसन्धानका लागि वैज्ञानिकहरूले मानव, तीन किसिमको लामखुट्टे र सुँगुरहरूका नमूनाहरू परीक्षण गरे ।

यसरी अनुसन्धान गर्दा वैज्ञानिकहरूले भाइरसविरूद्ध एन्टिबडीहरू ८८३ मानव सीरम नमूनाहरु मध्ये दुई जनामा ​​पत्ता लगाएका छन् ।

यो कुराबाट के देखाउँदछ भने ती दुबै व्यक्तिहरू पहिले क्याट क्यु भाइरसबाट संक्रमित भएका थिए ।

वैज्ञानिकहरूले भनेका छन् कि लामखुट्टेले भारतका केही क्षेत्रमा क्याट क्यू भाइरस फैलाउन सक्छ ।

यसरी चीनबाटै फैलिएको कोरोनापछि अर्को भाइरस आउने देखिएपछि सतर्कता अपनाउनुपर्ने देखिन्छ ।