अखबार नेपाल ट्रेन्डिङ

काठमाडौँ : आन्तर्राष्ट्रिय सिमा क्षेत्रबाट नेपाल प्रवेशमा लगाउदै आएको रोकलाई अझै एक महिना थप गरिएको छ ।

सरकारले आगामी कात्तिक मसान्तसम्मको लागि सिमाबाट प्रवेशमा रोक लगाएको हो ।

प्रधानमन्त्री निवास बालुवाटारमा सोमबार बसेको मन्त्रिपरिषद् बैठकले यस्तो निर्णय गरेको हो ।

परराष्ट्रमन्त्री एवं सरकारका प्रवक्ता प्रदीपकुमार ज्ञवालीले सीमा नाकाबाट हुने प्रवेशलमा लगाइदै आएको रोकलाई कात्तिक मसान्तसम्म थप गरिएको जानकारी दिएका छन् ।

कोभिड–१९ जोखिम बढ्दै गएपछि गत चैत ११ गतेदेखि अन्तर्राष्ट्रिय सीमा नाकाबाट हुने आवतजावतमा रोक लाइदै आएको छ ।

यद्यपि, ढुवानी र निश्चित नाकाबाट हुने आवागमन चालू अवस्थामा रहेको छ । यसअघि असोज मसान्तसम्म सीमा नाका बन्द गर्ने निर्णय भएको थियो ।