बार्सिलोना र मेस्सीको करार ‘लिक’ खेलकुद इतिहासकै ठूलो
वि.सं.२०७७ माघ १८ आइतवार ११:३५
एजेन्सी: स्पेनिस पत्रिका एल मुन्डोले लियोनेल मेस्सी र बार्सिलोना बीचको करार हात पारेको दाबी गरिएको छ ।
उक्त करार बार्सिलोना र मेस्सीको खेलकुद इतिहासकै सबैभन्दा ठूलो भएको बताएको छ ।
पत्रिकामा प्रकाशित रिपोर्ट अनुसार सर्तहरु पुरा भए मेस्सीले चार सिजनमा साढे ५५ करोड ९५५,५२,३७,६१९० युरो प्राप्त गर्नेछन् ।
यो करार सन् २०१७ को नोभेम्बरमा गरिएको थियो जुन यसै वर्षको जुन ३० मा समाप्त हुन्छ ।
यदि करार सम्झौता नविकरण नभए मेस्सीले क्लब छाड्न पाउनेछन् ।
मेस्सीले सिजनको सुरुवातमा नै क्लब छाडेर जान चाहेका थिए तर क्लबसँग कानुनी लडाइँ लड्न पर्ने भएपछि उनी क्लबमा बसेका थिए ।
शनिबार राति प्रकाशित गरिएको रिपोर्टमा अर्जेन्टिनी फरवार्डलाई क्लबले हरेक सिजन १३.८ करोड युरो दिने सम्झौता गरिएको उल्लेख छ ।
यसमा ११,५२,२५,००० युरो करार नविकरणको बोनस र ७,७९,२९, ९५५ युरो बफादारिताको बोनस पनि समावेश छ ।
पत्रिकाका अनुसार करार सकिन ५ महिना बाँकी छँदा मेस्सीले ५१,१५,४०,५४५ युरो आम्दानी गरिसकेका छन् ।
क्लबले सन् २०१९–२० मा १।२ अर्ब युरो ऋणमा रहेको आर्थिक रिपोर्ट प्रकाशित गरेको भोलिपल्ट मेस्सीको करार लिक भएको हो ।
यसले मेस्सीलाई थप रुष्ट बनाउने आशंका गरिएको छ ।
यो पनि पढ्नु होस्
वि.सं.२०७७ माघ १८ आइतवार ११:३५