अखबार नेपाल ट्रेन्डिङ

एजेन्सीः ईटालियन सिरी ए फुटबलमा इन्टर मिलानले सहज जित निकालेको छ ।

गएराति भएको खेलमा इन्टरले भेरोनालाई २–१ गोल अन्तरले पराजित गरेको हो ।

भरोनाको घरेलु मैदानमा भएको खेलमा इन्टरलाई जित दिलाउन लाउरेटा मार्टिनेज र मिलान सिकिरानीले एक–एक गोल गरे ।

उता भेरोनाका लागि इलान लिकले एक गोल गर्न सफल भए ।

पहिलो हाफमा गोलरहित बराबरी खेलेका दुई टोलीले दोस्रो हाफमा गोल गर्न सफल भएका हुन् ।

खेलको ५१ औं मिनेटमा मार्टिनेजले गोल गर्दै पाहुना टोलीलाई अग्रता दिलाउन सफल भएका थिए । ६३ औं मिनेटमा घरेलु टोली भेरोनाका लागि इभानले बराबरी गोल फर्काए ।

यता इन्टरका लागि सकिनिएरले गोल गर्दै टिमलाई २–१ गोलको जित दिलाउन सफल भए ।

जितसँगै इन्टरले लिगमा १४ खेल खेल्दै ३३ अंक जोडेको छ । इन्टर शीर्ष स्थानको मिलान भन्दा एक अंकले पछि छ । २० अंक जोडेको भेरोना नवौं स्थानमा रहेको छ ।