च्याम्पियन्स लिग फुटबलमा चेल्सीको सहज जित
वि.सं.२०७७ कात्तिक १३ बिहीवार ०७:२९
एजेन्सीः च्याम्पियन्स लिग फुटबलमा चेल्सीले सहज जित हात पारेको छ ।
गएराति भएको खेलमा चेल्सीले रसियन क्लब क्रास्नोडरलाई पराजित गरेको हो । क्रास्नोडरको घरेलु मैदानमा चेल्सी ४–० ले विजयी भयो ।
चेल्सीको जितमा ३७औं मिनेटमा कलुम हड्सन ओडोइले गोल गरे । यस्तै टिमो वेर्नरले ७६ औं मिनेटमा पेनाल्टी मार्फत दोस्रो गोल गरे ।
यस्तै ७९ औं मिनेटमा हाकिम जियाचले चेल्सीका लागि डेब्यु गोल गर्दा ९०औं मिनेटमा क्रिस्टियन पुलिसिचले गोल गोल गरे ।
जितसँगै चेल्सीले समुह चरणका दुई खेलमा ४ अंक बनाएको छ ।
यही समहुको अर्को खेलमा सेभिल्लाले रेनर्सलाई १–० ले पराजित गर्यो । जितपछि सेभिल्लाको ४ अंक भएको छ ।
वि.सं.२०७७ कात्तिक १३ बिहीवार ०७:२९