अखबार नेपाल ट्रेन्डिङ

एजेन्सीः युईएफए च्याम्पियन्स लिग फुटबलमा म्यान्चेस्टर युनाइटेडले फराकिलो जित निकालेको छ ।

गएराति भएको खेलमा युनाइटेडले जर्मन क्लब आरबी लेइप्जिग माथि फराकिलो जित निकालेको हो ।

ओल्ड ट्राफोर्डमो भएको खेलमा इङ्ग्लिस क्लब युनाइटेड ५–० ले विजयी भयो ।

युनाइटेडको जितमा मार्कुस रास्फोर्डले ह्याट्रिक पुरा गरे । यस्तै एन्थोनी मार्सियल र मासोन ग्रिनउडको नाममा एकएक गोल रहयो ।

खेलको २१औं मिनेटमा ग्रिनउडको गोलमा अग्रता बनाएको घरेलु टोलीका लागि ७४, ७८ र खेलको इन्जुरी समयमा गोल गर्दै रास्फोर्डले ह्याट्रिक पुरा गरेका थिए ।

त्यसअघि ८७ औं मिनेटमा मार्सियलले युनाइटेडका लागि गोल गरेका थिए ।

च्याम्पियन्स लिगको पहिलो खेलमा फ्रेन्च च्यायाम्पियन पेरिस सेन्ट जर्मेन पीएसजीलाई पराजित गरेको युनाइटेडले दोस्रो खेलमा पनि सहज जित निकालेको हो ।