अखबार नेपाल ट्रेन्डिङ

एजेन्सीः च्याम्पियन्स लिग फुटबलमा बार्सिलोनाले युभेन्ट्सलाई पराजित गरेको छ ।

गएराति समूह जी को खेलमा स्पेनिस क्लब बार्सिलोनाले इटालियन क्लब युभेन्ट्सलाई २–० ले पराजित गरेको हो ।

बार्सिलोनाको जितमा उसमान डेम्बेले र लियोनल मेस्सीले एक-एक गोल गरे ।

जितसँगै बार्सिलोना २ खेलमा ६ अंक जोड्दै समूहको शीर्ष स्थानमा छ । दोस्रो स्थानको युभेन्ट्सको तीन अंक छ ।

शनिबार एल–क्लासिकोमा रियल मड्रिडसँग पराजित भएपछि पहिलो पटक बार्सिलोना मैदान उत्रिएको थियो ।

समूह चरणको ड्र सार्वजनीक हुने बित्तिकै धेरैले यस खेललाई मेस्सी र रोनाल्डोको भिडन्तको रुपमा ब्याख्या गरेका थिए ।

कोरोना भाइरस संक्रमण देखिएपछि रोनाल्डोले बार्सिलोना विरुद्धको खेल गुमाएका थिए ।