युइएफए च्याम्पियन्स लिग फुटबलमा युनाइटेडद्वारा पीएसजी पराजित
वि.सं.२०७७ कात्तिक ५ बुधवार ०७:४९
एजेन्सीः युइएफए च्याम्पियन्स लिग फुटबलको समुह चरणको पहिलो खेलमा पेरिस सेन्ट जर्मेन (पीएसजी) पराजित भएको छ ।
गएराति भएको समुह चरणको पहिलो खेलमा पीएसजी म्यान्चेस्टर युनाइटेडसँग २-१ गोल अन्तरले पराजित भएको हो ।
युनाइटेडको जितमा ब्रुनो फर्नान्डेज र मार्कोस रास्फोर्डले गोल गरे । पीएसजीले १ गोल उपहार स्वरुप पायो ।
खेलको २३ औं मिनेटमा युनाइटेडले पेनाल्टी गोलबाट अग्रता लिएको थियो ।
पीएसजीका ड्यालोले एन्थोनी मार्सियललाई डिबक्समा फल गरेपछि प्राप्त पेनाल्टीको अवसरलाई फर्नान्डेजले गोलमा परिणत गरे ।
खेलको ५५ औं मिनेटमा युनाइटेडले अनपेक्षित गोल खाँदा खेल १–१ को बराबरीमा आयो ।
तर खेलको अन्तिम ३ मिनेट बाँकी रहदा रास्फोर्डले गोल गरेपछि युनाइटेडले घरेलु टोलीलाई निराश बनायो ।
जितसँगै युनाइटेडले सिजनको पहिलो च्याम्पियन्स लिगमा विजयी सुरुवात गरेको हो ।
पीएसजीविरुद्धको जितसँगै युनाइटेडले समुह एच को शीर्ष स्थान ओगटेको छ ।
वि.सं.२०७७ कात्तिक ५ बुधवार ०७:४९