अखबार नेपाल ट्रेन्डिङ

एजेन्सीः युईएफए नेशन्स लिगको खेलमा पोर्चुगलले क्रोएसियामाथि शानदार जित निकालेको छ ।

युईएफए नेशन्स लिगमा पोर्चुगलले समूह सी अन्तर्गत गएराति भएको खेलमा क्रोएसीयामाथि ४–१ गोलको फराकिलो जित हासिल गरेको हो ।

पोर्चुगलका लागि खेलको पहिलो गोल ४१ औ मिनेटमा जोयो कोन्सीलोले गरे ।

पहिलो हाफमा एक गोलको अग्रता बनाएको पोर्चुगलका लागि खेलको ५८औ मिनेटमा डिओगो जोटाले गोल गर्दै अग्रता दोब्बर बनाए ।

यस्तै खेलको ७० औ मिनेटमा जोयो फीलीक्सले पोर्चुगलका लागि तेश्रो गोल गरे ।

खेलको अतिरिक्त समयको पहिलो मिनेटमा क्रोएसियाका ब्रुनो पेटोकोभीकले सान्तवना गोल गर्दा अन्तिम मिनेटमा र्पोचुगलका आन्द्रे सिल्भाले गोल गर्दै क्रोएसियामाथि ४–१ को जित निकालेको पोर्चुगल समुहको अंक तालिकाको शिर्ष स्थानमा छ ।