अखबार नेपाल ट्रेन्डिङ

एजेन्सीः सेरेना विलियम्स यूएस ओपन टेनिसको अन्तिम १६ मा प्रवेश गरेकी छिन् ।

न्युयोर्कमा गएराति भएको खेलमा आफ्नै देशकी सलोनी स्टेफेन्सलाई हराएर सेरेना चौंथो चरणमा पुगेकी हुन् ।

६ पटकको च्याम्पियन सेरेनाले पहिलो सेट भने २-६ ले गुमाएकी थिइन् ।

तर, उत्कृष्ट पुनरागमन गर्दै सेरेनाले ६-२ र ६-२ को जित सहित अर्को चरणको यात्रा तय गरिन् ।

३८ वर्षीय सेरेनाले ग्रिसकी मारिया साक्कारीसँग खेल्ने छिन् । मारियाले अमेरिकी खेलाडी अमान्डा अनिसिमोभालाई ६-३ र ६-१ ले पराजित गरिन् ।

पुरुषतर्फ विश्व नम्बर दुई डोमिनिक थिमले अन्तिम १६ मा स्थान बनाएका छन् ।

अस्ट्रियाका थिमले क्रोएसियाका मारिन सिलिकलाई ६-२,६-२,३-६ र ६-३ को सेटमा पराजित गरे ।