अखबार नेपाल ट्रेन्डिङ

काठमाडौं: प्रधानमन्त्री एवं नेपाल कम्युनिष्ट पार्टी (नेकपा) का अध्यक्ष केपी शर्मा ओली पक्षीय नेताहरूको भेला बालुवाटारमा सुरु भएको छ ।

भेलामा ओलीपक्षीय विघटित प्रतिनिधिसभाका सांसदको उपस्थिति छ । पूर्व-माओवादीबाट लेखराज भट्ट सहभागी छन् ।

मन्त्रिपरिषद्को सिफारिसमा राष्ट्रपति विद्यादेवी भण्डारीले प्रतिनिधिसभा विघटन गरेकी थिइन् ।

नेकपा स्थायी कमिटी बैठकले अध्यक्ष ओलीलाई अनुशासनको कारबाही गर्ने प्रस्ताव केन्द्रीय कमिटीमा लैजाने निर्णय गरेको छ । केन्द्रीय कमिटी बैठक पुस ७ गते बोलाउने निर्णय गरिएको छ ।

ओलीलाई स्थायी कमिटीले साधारण सदस्य समेत नरहने गरी अनुशासनको कारबाही गर्ने प्रस्ताव केन्द्रीय कमिटीमा लैजाने निर्णय गरेसँगै नेकपा फुटउन्मुख भएको छ ।

संवैधानिक परिषदसम्बन्धी अध्यादेश फिर्ता लिएर पार्टी विवाद साम्य पार्न तयार रहेको सन्देश दिएको दुई दिनमै ओलीले प्रतिनिधिसभा विघटन गराएपछि नेकपा विभाजनको औपचारिक प्रक्रिया प्रवेश गरेको हो ।

दाहाल-नेपाल पक्षधरले आफूलाई घेराबन्दीमा पारेको भन्दै ओलीले अहिले बालुवाटारमा विघटित प्रतिनिधिसभाका आफूपक्षीय सदस्यहरू तथा राष्ट्रियसभा सदस्यसँग छलफल गरिरहेका छन् ।

र यो पनि पढ्नुहोस्ः

नेपाली कांग्रेसले बोलायो राजनीतिक दलहरुको सर्वदलीय बैठक
ओलीलाई प्रधानमन्त्री पदबाट हटाउन उनकै मन्त्रीहरुको हस्ताक्षर