नेपाली कांग्रेसले बोलायो राजनीतिक दलहरुको सर्वदलीय बैठक
वि.सं.२०७७ पुस ६ सोमवार ०९:२०
1.4K
shares
काठमाडौं: प्रमुख विपक्षी दल नेपाली कांग्रेसले विघटित प्रतिनिधिसभामा प्रतिनिधित्व गर्ने राजनीतिक दलहरुको सर्वदलीय बैठक बोलाएको छ ।
अपरान्ह ४ बजे कांग्रेस केन्द्रीय कार्यालयमा बस्ने बैठकमा नेपाल कम्युनिष्ट पार्टी (नेकपा)का प्रचण्ड–माधव नेपाल पक्ष सहितका दलहरु सहभागी हुने भएका छन् ।
आइतवार साँझ पनि सिंहदरवारमा कांग्रेस, जनता समाजवादी पार्टी र प्रचण्ड-माधव नेपाल पक्षधर नेकपा नेताहरुको बैठक बसेको थियो ।
उनीहरुले संसद विघटनको राजनीतिक र कानुनी प्रतिवाद गर्ने निर्णय गरेका छन् । थप रणनीति बनाउन सर्वदलीय बैठक बोलाइएको कांग्रेसले जनाएको छ ।
वि.सं.२०७७ पुस ६ सोमवार ०९:२०




















