आज पनि दशैंको टीका र जमरा लगाउने क्रम जारी
वि.सं.२०७७ कात्तिक ११ मंगलवार १०:४४
काठमाडौं: आज पनि दशैंको टीका र जमरा लगाउने क्रम जारी छ ।
नवदुर्गाको प्रसादका रुपमा टीका र पहेँलो जमरा लगाएर मान्यजनबाट आशिष लिने दिने परम्परा अनुसार कोजाग्रत पूर्णिमासम्म टीका लगाउने गरिन्छ ।
हिजो लगाउन नभ्याएका र टाढा रहेका आफन्त तथा मान्यजन कहाँ आज पनि टिका लगाइँदैछ ।
दशैँमा यस वर्ष कोरोना संक्रमण जोखिमका कारण टीका लगाउन जानेहरूको चहलपहल घटेको छ ।
नेपालमा दिनदिनै संक्रमितको संख्या बढ्दै गएपछि सरकारले भर्चुअल माध्यमबाटै टीका लगाउन आह्वान गरेको थियो ।
महामारीको जोखिमले सर्वसाधारणले सरकारी आह्वानको पालना गरेका हुन् ।
वि.सं.२०७७ कात्तिक ११ मंगलवार १०:४४