विश्वभर पछिल्लो २४ घण्टामा ४ लाखभन्दा बढीमा कोरोना संक्रमण पुष्टी, ५ हजारभन्दा बढीको मृत्यु
वि.सं.२०७७ कात्तिक ११ मंगलवार ०८:०८
काठमाडौं: पछिल्लो २४ घण्टामा ४ लाख ३ हजारभन्दा बढीमा कोरोना संक्रमण भएको छ ।
योसँगै संक्रमित संख्या ४ करोड ३७ लाख ७४ हजार ९ सय १९ पुगेको छ । त्यसमध्ये ७८ हजार ८ सय ७७ जनाको अवस्था गम्भीर छ ।
यस्तै पछिल्लो २४ घण्टामा २ लाख ६० हजार १ सय ७६ जना निको भएर घर फर्किएका छन् ।
योसँगै संक्रमण मुक्त हुनेको संख्या ३ करोड २१ लाख नाघेको छ ।
यस्तै एकै दिन थप ५ हजार ६५ जनाको मृत्यु भएको छ ।
योसँगै कोरोना संक्रमणले विश्वभर मृत्यु हुनेको संख्या ११ लाख ६४ हजार १ सय ९१ पुगेको छ ।
सबैभन्दा धेरै संक्रमित भएको अमेरिकामा ८९ लाख ५९ हजारभन्दा बढीमा संक्रमण पुष्टि भएको छ ।
दोस्रो धेरै संक्रमण भएको मुलुक भारतमा संक्रमित संख्या ७९ लाख ४५ हजार नाघेको छ ।
यस्तै ब्राजिलमा संक्रमित संख्या ५४ लाख ११ हजार पुगेको छ । ब्राजिल विश्वमा तेस्रो धेरै संक्रमण भएको मुलुक हो ।
कोरोना भाइरसकै संक्रमणबाट युरोपियन मुलुकहरूमा २ लाख ५२ हजार १ सय ८६ जनाको मृत्यु भएको छ ।
८६ लाख २४ हजार १ सय २६ जना संक्रमित भएकोमा ३४ लाख ९१ हजार ७ सय ४३ जना संक्रमणमुक्त भएका छन् ।
वि.सं.२०७७ कात्तिक ११ मंगलवार ०८:०८