अखबार नेपाल ट्रेन्डिङ

काठमाडौं: काठमाडौं महानगरपालिका -९ गौशाला रिद्धीसिद्धी होटलबाट करिब ३ केजी अवैध लागूऔषध गाँजा सहित ४ जना पक्राउ परेका छन् ।

बिशेष सूचनाको आधारमा खटिएको प्रहरीले काठमाडौं पशुपति बस्ने भोजपुर घर भएका २५ वर्षीय राम बहादुर थापा सहित ४ जनालाई मंगलबार दिउँसो लागूऔषध गाँजा सहित पक्राउ गरेको हो ।

त्यस्तै बारा, जितपुर सिमरा उप-महानगरपालिका – १ स्थित सडकबाट १ किलो ५ सय ग्राम अवैध लागू औषध गाँजा सहित बारागढी गाउँपालिका – ५ बस्ने २४ वर्षीय दुख प्रसाद चौधरीलाई बुधबार प्रहरीले पक्राउ गरेको छ ।

उक्त स्थानमा खटिएको प्रहरीले अमलेखगन्जबाट पथलैयातर्फ आउँदै गरेको ना५२प ७४०३ नम्बरको मोटरसाइकल जाँच गर्ने क्रममा लागू औषध सहित पक्राउ गरेको र यस सम्बन्धमा स्थानीय प्रहरीले थप अनुसन्धान गरिरहेको प्रहरिले जनाएको छ ।