संगीतकार संघ नेपालले कलाकारलाई सहयोग गर्ने, सम्पर्कमा आउन आग्रह
वि.सं.२०७७ जेठ ११ आइतवार १०:५३
काठमाडौं: संगीतकार संघ नेपालले कलाकारलाई सहयोग गर्ने भएको छ । लामो समयदेखिको लकडाउनका कारण दैनिक गुजारा चलाउन असहज भएका कलाकारलाई संगीतकार संघ नेपालले सहयोग गर्ने भएको हो ।
विश्वभर महामारीको रुपमा फैलिएको कोरोनाका कारण बिगत दुईमहिनादेखि देशभर लकडाउनमा छ । यतिखेर सिर्जनशील श्रम गरेर परिवार र आफू पालिदै आइरहेका श्रष्टा र कलाकारहरु पनि सबैभन्दा बढी मारमा पर्ने बर्गमा परेको छ । संगीतकार संघ नेपालका अध्यक्ष शान्तिराम राई भन्छन्- “हामी हाम्रो संस्थामार्फत बिहान बेलुका छाकटार्न कठिन भइरहेका र वर्षौंदेखि यस क्षेत्रको उन्नयनमा योगदान पुर्याइरहनुभएका हाम्रा सदस्य श्रष्टाकलाकारहरुलाई केही भए पनि सहयोग पुग्न सकोस भनेर यो हप्ता राहत स्वरुप उपहार प्याकेज प्रदान गर्ने निर्णय गरेका छौं ।”
राईले श्रष्टाहरुलाई अहिलेको बिषम परिस्थितिमा भोकै रहन नदिने योजना अनुसार सहयोग गर्न लागेको बताएका छन् । उनले अफ्ठ्यारोमा रहेका श्रष्ठालाई संघको सम्पर्कमा आउन समेत आग्रह गरेका छन् । संघले कलाकारहरुलाई सहयोग गर्न इच्छुक व्यक्ति र संघसंस्थाहरुलाई सहयोगका लागि आग्रह पनि गरेको छ ।
वि.सं.२०७७ जेठ ११ आइतवार १०:५३