अखबार नेपाल ट्रेन्डिङ

काठमाडौं: रिक्त चलचित्र विकास बोर्डको अध्यक्षमा निर्माता अर्जुन कुमारले आवेदन दिएका छन् । शुक्रबार बोर्डको कार्यालय गोपीकृष्ण पुगेर उनले आवेदन दिएका हुन् । बोर्डले अघिल्लो साता अध्यक्ष पदका लागि १५ दिनको समयससीमा राखेर आवेदन आह्वान गरेको थियो ।

नेपाली चलचित्र क्षेत्रको विकास र विस्तारका लागि आफूसँग पर्याप्त योजना रहेकाले आवेदन दिएको उनको भनाइ छ । उनले आफूले चलचित्र क्षेत्रमा वैदेशिक लगानी भित्र्याउने र युवा पुस्तालाई आकर्षित गर्ने योजना आफूसँग रहेको बताए । भुवन केसी, दयाराम दाहाल, केपी पाठक, लय संग्रौला र सोहित मानन्धर पनि अध्यक्षका आकांक्षी हुन् । तत्कालीन बहालवाला अध्यक्ष केशव भट्टराईको मृत्यु भएपछि बोर्डको अध्यक्ष पद खाली छ ।