अखबार नेपाल ट्रेन्डिङ

काठमाडौं: विश्वभर महामारीका रुपमा फैलिएको कोरोना भाइरसबाट विश्वका २ सय १२ देशमा फैलिएको यो संक्रमणबाट ज्यान गुमाउनेको संख्या २ लाख ७६ हजार २ सय १६ पुगेको छ । ४० लाख १२ हजार ८ सय ४१ जना संक्रमित भएका छन् । संक्रमितमध्ये १३ लाख ८५ हजार १ सय ८४ जना उपचारपछि निको भएका छन् । अहिले २३ लाख ५३ हजार भन्दा बढीको अस्पतालमा उपचार भइरहेको छ ।

कोरोना भाइरसको संक्रमणबाट युरोपियन मुलुकमा १५ लाख ८१ हजार २ सय ५६ जना संक्रमित छन् । एकै दिन २७ हजार ५ सय ५६ जनामा नयाँ संक्रमण देखिएको छ । यो अघिल्लो दिनको तुलनामा झण्डै एक हजार कम हो । युरोपका देशहरुमा अहिलेसम्म १ लाख ५० हजार ५ सय १३ जनाले ज्यान गुमाएका छन् । अहिलेसम्म ६ लाख २८ हजार १ सय १३ जना उपचारपछि निको भएका छन् भने ८ लाख २ हजार ६ सय ३० जनाको उपचार भइरहेको छ ।

एसियाली देशका कोरोनाको संक्रमणबाट ज्यान गुमाउनेको संख्या २१ हजार ५ सय १ पुगेको छ । एकैदिन २ सय ९६ जनाको मृत्यु भएको छ । १६ हजार ३ सय २५ नयाँ संक्रमित थपिएसँगै ६ लाख ३४ हजार ८ सय २९ जनामा संक्रमण देखिएको छ । संक्रमित ३ लाख ४९ हजार १ सय ५६ जना निको भएका छन् । २ लाख ६४ हजार १ सय ७२ जनाको उपचार भइरहेको छ । जसमध्ये ५ हजार १ सय १५ जनाको अवस्था गम्भीर छ ।

उत्तर अमेरिकी मुलुकमा कोरोना संक्रमितको संख्या १४ लाख ४१ हजार ८ सय ९६ पुगेको छ । एकैदिन ३२ हजार ५ सय ७८ जनामा नयाँ संक्रमण फेला परेको छ । अहिलेसम्म कोरोनाकै कारण ८७ हजार ५० जनाले ज्यान गुमाएका छन् । दक्षिण अमेरिकी मुलुकमा पनि एकैदिन १६ हजार ६३ जनामा नयाँ संक्रमण देखिएको छ ।

अफ्रिकी मुलुकमा ५८ हजार ९ सय ६३ मा कोरोनाको संक्रमण देखिएको छ । अहिलेसम्म २ हजार १ सय ६० जनाले ज्यान गुमाएका छन् । अस्ट्रेलिया सहित ओसियान मुलुकमा १ सय १८ जनाले ज्यान गुमाएका छन् । अहिलेसम्म ८ हजार ५ सय ८ जनामा संक्रमण देखिएको छ ।

चीनको वुहानबाट सुरु भएको यो महामारीको विश्वमा सबैभन्दा धेरै संक्रमण अमेरिकामा फैलिएको छ । अमेरिकामा पछिल्लो २४ घण्टामा थप १ हजार ६ सय २९ जनाको मृत्यु भएको छ । योसँगै कुल मृतक संख्या ७८ हजार ५ सय ५७ पुगेको छ । पछिल्लो २४ घण्टामा त्यहाँ २७ हजार ९ सय ८६ जना नयाँ संक्रमित थपिएसँगै कुल संक्रमितको संख्या १३ लाख २० हजार ६ सय ९ पुगेको छ ।

अमेरिकामा संक्रमितमध्ये २ लाख २२ हजार ९ सय ३५ जना उपचारपछि निको भएका छन् । उपचार गराइरहेका १० लाख १९ हजार १ सय १७ जनामध्ये १६ हजार ९ सय ३१ जनाको अवस्था गम्भीर छ । अमेरिकापछि कोरोना भाइरसको सबैभन्दा धेरै संक्रमण देखिएको स्पेनमा २ लाख ६० हजारभन्दा बढी संक्रमित भएका छन् । स्पेनमा कोरोना भाइरसले मृत्यु हुनेको कुल संख्या २६ हजार २ सय ९९ पुगेको छ ।

कोरोना भाइरसको संक्रमणबाट बेलायतमा ३१ हजार २ सय ४१ जनाको मृत्यु भएको छ । २ लाख ११ हजार ३६४ जना संक्रमित भएका छन् । पछिल्लो २४ घण्टामा त्यहाँ ६ सय २६ जनाको मृत्यु भएको छ भने अरु ४ हजार ६ सय ४९ जनामा संक्रमण देखिएको छ । १ लाख ७९ हजार ७ सय ७९ जनाको उपचार भइरहेकोमा १ हजार ५ सय ५९ जनाको अवस्था गम्भीर छ ।