काठमाडौं:  किसान लघुवित्त वित्तीय संस्था लिमिटेडले दोस्रो वार्षिक साधारण सभा बोलाएको छ । कम्पनीले शतप्रतिशत हकप्रद शेयर निष्कासनको प्रस्ताव गर्दै चैत २९ गते सभा बोलाएको हो ।

चैत ६ गते बसेको सञ्चालक समितिको बैठकले सभा गर्ने निर्णय गरेको हो । किसान लघुवित्त संस्थाको आफ्नै भवन लम्कीचुहा, कैलालीमा विहान ११ बजे सभा बोलाईएको हो । सभाले हकप्रद शेयर निष्कासनको प्रस्तावसँगै सञ्चालक समितिको भक्ता र सुविधा बृद्धि गर्ने प्रस्ताव पनि पारित गर्नेछ ।

सभामा सञ्चालक समितिले प्रस्ताव गरे बमोजिम हाल कायम जारी पूँजीको १ बराबर १ को दरले हकप्रद जारी गर्ने, हकप्रद जारी पश्चात कम्पनीको जारी पूँजी, अधिकृत पूँजी र चुक्ता पूँजीमा वृद्धि हुने भएकाले सोही बमोजिम प्रवन्धपत्रमा संशोधन गर्ने प्रस्ताव सभाका लागि तय भएको छ ।

प्रबन्धपत्र र नियमावलीमा संशोधन गर्दा कुनै विषय थपघट गर्न आवश्यक भएमा सोको जिम्वेवारी साथै अन्य कुनै संस्थालाई गाभ्ने गाभिने तथा प्राप्ती कार्यलाई निरन्तरता दिने र उपयुक्त संस्था खोजी लगाएतका सम्पूर्ण कार्यको अख्तियारी सञ्चालक समितिलाई दिने निर्णय सभाले गर्नेछ ।

यो पनि पढ्नुहोस् :

मिथिला लघुवित्त वित्तीय संस्थाको साधारण सभा चैत २९ गते