काठमाडौं:  सिभिल बैंकले ‘ग्लोबल मनी विक’ कार्यक्रमको आयोजना गर्ने भएको छ । बैंकले जनचेतना मुलक विविध वित्तिय साक्षरता कार्यक्रमको आयोजना गरेको हो ।

सिभिल  बैंकले  ‘ग्लोबल मनी विक’ कार्यक्रम निम्नानुसार हुने बैंकले जनाएको छ ।

चैत्र ९ गते प्रदेश नं १ मा अर्किड कलेज, बिराटनगरमा वित्तिय साक्षरता कार्यक्रम तथा बिर्तामोडका टेम्पुहरुमा क्यू आर कोडमार्फत भाडा भुक्तानीको थालनी गर्नेछ । चैत्र १० गते प्रदेश नं २ मा जनकपुरमा वित्तिय साक्षरता कार्यक्रम तथा खुद्रा व्यापारीहरुमा क्यू आर कोड मार्फत भुक्तानीको थालनी गर्नेछ ।

चैत्र ११ गते वाग्मती प्रदेशको धुलिखेल तथा बनेपामा वित्तिय साक्षरता कार्यक्रम तथा हेटौंडाका टेम्पुहरुमा क्यू आर कोडमार्फत भाडा भुक्तानीको थालनी गर्नेछ ।

चैत्र १२ गते गण्डकी प्रदेशको बेगनास ताल डुंगा ब्यबसायी संघमा वित्तिय साक्षरता कार्यक्रम गर्नेछ । चैत्र १३ गते लुम्बिनी प्रदेशको बुटवल, मणिग्राम, तुलसीपुरमा वित्तिय साक्षरता कार्यक्रम गर्नेछ ।

चैत्र १४ गते कर्णाली प्रदेशको बिरेन्द्रनगर सुर्खेतमा वित्तिय साक्षरता कार्यक्रम गर्नेछ । चैत्र १५ गते सुदुरपश्चिम प्रदेशको धनगढी, जानकी, आदर्श, बन्निगढ, लम्किचुहा र भजनीमा वित्तिय साक्षरता कार्यक्रम गर्ने जानकारी दिएको छ ।

सिभिल बैंकले सात प्रमुख विद्युतिय माध्यमहरु (मोवाइल एप, क्यूआर कोड, एटिएम, ईन्टरनेट बैंकिंङ्, कनेक्ट आइपियस, पिओयस र डिजिटल वालेट)को बारेमा आफ्नो सामाजिक संजालमार्फत चेतनामुलक सामाग्रीहरुको प्रसारण गर्ने योजना रहेको छ ।

यो पनि पढ्नुहोस् :

किसान लघुवित्त वित्तीय संस्थाको साधारण सभा चैत २९ गते