अखबार नेपाल ट्रेन्डिङ

काठमाडौं: वहुचर्चित माथिल्लो त्रिशूली थ्री ए जलविद्युत् आयोजनाको संरचना तथा उपकरणको परीक्षण सफल भएको छ । विद्युत् उत्पादन सुरु गर्नुभन्दा अघि गरिने सम्पूर्ण परीक्षण सफल भएको आयोजनाले जनाएको छ ।

माथिल्लो त्रिशूली थ्रि ए जलविद्युत आयोजनाको निर्माण कार्य ९९ प्रतिशत सकिएको छ । त्रिशूली नदीको पश्चिमी किनारा नुवाकोट र रसुवाको सिमानाको आयोजना सन् २०११ देखि निर्माण सुरु भएको थियो । छिमेकी चीनको चाइना गेजुवा ग्रुप अफ कम्पनी (सिजिजिसी) ले निर्माण गरिरहेको आयोजनाको सिभिलतर्फ ९९ प्रतिशत, इलेक्ट्रोमेकानिकलतर्फ ७५ प्रतिशत र हाइड्रो मेकानिकलतर्फ ८८ प्रतिशत तथा प्रशारण लाइन विस्तारको कार्य ९५ प्रतिशत सम्पन्न भइसकेको छ । १२ करोड ५८ लाख डलर अनुमानित रहेको आयोजना नेपाल सरकार एवं प्राधिकरणको लगानी र चिनियाँ एक्जिम बैकको सहुलितपूर्ण ऋणमा निर्माण भइरहेको हो ।