पछिल्लो २४ घण्टामा देशभर २७१४ कोरोना संक्रमित थपिए, काठमाडौं उपत्यकामा एकैदिन ७५१ जनामा सक्रमण पुष्टि
वि.सं.२०७८ साउन ७ बिहीवार १७:५१
2.8K
shares
काठमाडौं: काठमाडौं उपत्यकामा कोरोना संक्रमण बढ्दै गएको स्वास्थ्य तथा जनसंख्या मन्त्रालयको तथ्यांकले देखाएको छ ।
पछिल्लो २४ घण्टामा ७ सय ५१ जनामा कोरोना संक्रमण पुष्टि भएको मन्त्रालयले जनाएको छ ।
मन्त्रालयका अनुसार विहीबार काठमाडौंमा ५ सय ३६, ललितपुरमा १ सय ३० र भक्तपुरमा ८५ जना कोरोना संक्रमित थपिएका हुन् ।
यसअघि बुधबार काठमाडौँ उपत्यकामा मात्रै ६ सय ९७ जनामा कोरोना भाइरसको संक्रमण पुष्टि भएको थियो ।
जसमा काठमाडौंमा ४ सय ९०, ललितपुरमा १ सय २८ र भक्तपुरमा ७९ जना कोरोना संक्रमित थपिएका थिए ।
मन्त्रालयका अनुसार देशभरका विभिन्न प्रयोगशालामा गरिएको ९ हजार १ सय २२ जनाको पीसीआर परीक्षणबाट १ हजार ८ सय ५५ र ३ हजार ७ सय ७ जनामा गरिएको एन्टिजेन परीक्षणमा ८ सय ५९ जना गरी जम्मा २ हजार ७ सय १४ जनामा संक्रमण पुष्टि भएको हो ।
देशभरका विभिन्न अस्पतालबाट थप १ हजार २ सय ८८ जना कोरोना संक्रमित निको भएर विभिन्न अस्पतालबाट डिस्चार्ज भएको मन्त्रालयले जनाएको छ ।
वि.सं.२०७८ साउन ७ बिहीवार १७:५१




















