अखबार नेपाल ट्रेन्डिङ

एजेन्सी: प्रिमियर लिगमा शनिबार म्यानचेस्टर सिटीले वेस्टह्यामलाई २-१ हराउँदा केभिन डे ब्रुएनाले एक असिस्टको योगदान गरे ।

बेल्जियन प्लेमेकरले खेलमा सुरुवाती गोल गरेका रुबेन डायसलाई पास उपलब्ध गराएका थिए ।

सो असिस्ट डे ब्रुएनाको जारी लिगमा ११ औँ थियो ।

जसले उनलाई प्रिमियर लिगको इतिहासमा सबैभन्दा धेरै असिस्ट प्रदान गर्ने खेलाडीहरूको सूचीको १० औँ स्थानमा पुर्याएको छ ।

सिटीलाई लिगमा लगातार १३ औँ जित दिलाउन महत्वपूर्ण भूमिका खेलेका डे ब्रुएना जारी सिजनमा ह्यारी केनले जत्ति नै असिस्ट दर्ता गरेका छन् ।

तथ्यांकमा डे ब्रुएना

वेस्टह्यामविरुद्वको खेलमा असिस्ट प्रदान गरेसँगै प्रिमियर लिगमा डे ब्रुएनाको कुल असिस्ट संख्या ७७ पुगेको छ ।

जुन इंग्लिस लिग इतिहासमा धेरै असिस्ट गर्ने खेलाडीको सूचीमा ११ औँ स्थानमा रहेको डेभिड बेकहमको भन्दा धेरै हो ।

पूर्व म्यानचेस्टर युनाइटेड खेलाडी बेकहेमको नाममा ७४ असिस्ट रहेको छ ।

सूचीमा पहिलो नम्बरमा रायन गिग्स छन् ।

उनको नाममा एक सय ६२ असिस्ट छ ।

त्यसैगरी दोस्रो स्थानमा सेस फाब्रिगास ९१११०, तेस्रो स्थानमा वायन रनी ९१०३०, चौँथौँ स्थानमा फ्रान्क लाम्पार्ड ९१०२० र पाँचौ स्थानमा डेनि बर्गक्याम्प ९९४० रहेका छन् ।

सिटीका पूर्व मिडफिल्डर डेभिड सिल्भा ९३ असिस्ट सहित सूचीको छैठौँ स्थानमा रहँदा, लिभरपुलका पूर्व कप्तान स्टिभन जेरार्ड ९२ असिस्ट सहित सातौँ र जेम्स मिल्नरको ८५ असिस्टका साथ आठौँ स्थानमा छन् ।

यो पनि पढ्नु होस्

https://www.akhabarnepal.com/%e0%a4%9c%e0%a5%80%e0%a4%a4%e0%a4%aa%e0%a5%81%e0%a4%b0%e0%a4%b8%e0%a4%bf%e0%a4%ae%e0%a4%b0%e0%a4%be-%e0%a4%89%e0%a4%aa%e0%a4%ae%e0%a4%b9%e0%a4%be%e0%a4%a8%e0%a4%97%e0%a4%b0%e0%a4%95%e0%a5%8b-%e0%a4%b8/