बार्सिलोनाले उपाधि होडको यात्रालाई जीवितै राखेको छ ।
वि.सं.२०७७ फागुन १६ आइतवार १३:४६
एजेन्सी: स्पेनिस ला लिगामा कमजोर सुरुआत गरेको बार्सिलोनाले पछिल्लो १२ खेलमा लगातार जित निकाल्दै उत्कृष्ट पुनरागमन गरेको छ ।
शनिबार रातिको खेलमा सेभिया विरुद्ध जित निकाले पछि बार्सिलोना शीर्षस्थानको एट्लेटिको मड्रिड भन्दा दुई अंकले मात्र पछि छ ।
यो सिजन उपाधि जित्न गाह्रो रहेको चर्चा मिडियामा भइरहेको अवस्थामा रोनाल्ड कोम्यानको क्याटलान क्लबले निरन्तर जित निकालिरहेको हो ।
पछिल्लो सयम जितको लयमा फर्किए पछि उसलाई पुनः उपाधि दाबेदारको रूपमा हेर्न थालिएको हो ।
गएराति भएको खेलमा बर्सिलोनाका प्लेमेकर लियोनेल मेस्सी र डेम्बेलेले गोल गरेपछि बलियो टिम सेभियाविरुद्ध बार्सिलोनाले सहज जित निकालेको थियो ।
यसअघि शीर्ष गोलकर्तामा एथ्लेटिकोका लुइस सुआरेजले लिड गरिरहेको अवस्थामा मेस्सीले १९ गोल गरेर शीर्ष गोलकर्तामा आफ्नो पकड बनाइसकेका छन् ।
स्पेनिस फुटबल विश्लेषक ज्यामी रिकोनका अनुसार बार्सिलोनाले यही शैलीमा खेले उपाधि दाबेदारी रहने गए रातिको खेल विष्लेषण गर्दै बताएका छन् ।
कोम्यानको शैलीले अर्का फरवार्ड एन्टोनी ग्रिजम्यान सुरुआती रोजाइमा पर्न नसकेको उनको तर्क छ ।
हामीले प्रतिस्पर्धीलाई दबाबमा राख्न कोसिस गर्यौं ।
तीन डिफेन्डरसँगै विंग ब्याक पनि हामीसँग थियो।’
कोम्यानका अनुसार सेभिया बलियो टिम भएकाले उसलाई दबाबमा राख्न अनिवार्य भएकाले बल आफ्नो टिमसँग नभएको समयमा पनि प्रतिस्पर्धीलाई दबाबमा राख्न सफल बनेका थिए ।
स्पेनिस ला लिगाको शीर्षस्थानका लागि शीर्ष चारमा रहेका एथ्लेटिको मड्रिड, बार्सिलोना, रियल मड्रिड र सेभिया प्रतिस्पर्धामा छन् ।
यो पनि पढ्नु होस्
वि.सं.२०७७ फागुन १६ आइतवार १३:४६