अखबार नेपाल ट्रेन्डिङ

काठमाडौं: हलिउडकै बहुप्रतिक्षित फिल्म ‘एभेन्जर्स ईन गेम’ ले विश्वभर रेकर्ड बनाईरहेको छ । अप्रिल २६ बाट रिलिज भएको यस फिल्मले विश्वभर नै बक्स अफिसमा रेकर्ड राख्ने अनुमान गरिएको छ । हाल यस फिल्मले भारतमा पनि बक्स अफिसमा रेकर्ड राखेको छ ।

फिल्मले पहिलो दिन ५३.१० कलेक्सन गर्न सफल भएको छ । यसअघि आमिर खानको ठग्स अफ हिन्दुस्तानको रेकर्ड पनि ब्रेक गरिदिएको छ । आमिरको यस फिल्मले ५२.२५ करोड ग्रास कलेक्सन गरेको थियो । आमिरको रेकर्ड ‘एभेन्जर्स ईन गेम’ले ब्रेक गरेको छ ।

नेपालमा पनि ‘एभेन्जर्स ईन गेम’ ले नयाँ रेकर्ड बनाउने अनुमान गरिएको छ तर नेपालमा भने यसको कलेक्सन भने अहिलेसम्म सार्वजनिक भएको छैन । तर नेपालमा मुख्य मल्टिप्लेक्स चेन क्यूएफएक्स सहितका हलमा अहिलेसम्मकै विस्फोटक ओपनिङ भएको छ ।

उत्तर अमेरिकामा पहिलो साता तीन सय मिलियन डलर कमाउने अनुमान गरिएको छ । फिल्मले ‘स्टार वार्स’को रेकर्डलाई उछिनेको छ । फिल्मलाई दर्शकहरुले मात्र होईन समिक्षकहरुले समेत निकै रुचाएका छन् । फिल्ममा रोर्बट डाउनी जूनियर, क्रिस इवान्स, मार्क रफ्फालो, क्रिस हेम्सवर्थ, स्कारलेट जोहानसन, जोस ब्रोलिन लगायतका कलाकारहरुको अभिनय रहेको छ ।