अखबार नेपाल ट्रेन्डिङ

काठमाडौं: अंग्रेजी क्यालेन्डरको अन्तिम महिनाको २१ तारिख अर्थात् डिसेम्बर २१ को रात वर्षकै सबैभन्दा लामो हुन्छ ।

यो दिन विश्वभरका खगोल वैज्ञानिकको नजर आकाशतिरै केन्द्रित हुन्छ ।

यसै क्रममा आज (सोमबार) राति आकाशमा सौर्यमण्डलका दुई ठूला ग्रह बृहस्पति र शनि लभग ८ सय वर्षपछि नजिक देखिँदैछ ।

अन्तरीक्षमा बृहस्पति र शनि वास्तवमा करोडौं किलोमिटर टाढा हुनेछन् । तर पृथ्वीबाट हेर्दा यी दुई ग्रह एकदमै नजिकै देखिने छन् ।

दुवै ग्रहको मिलनलाई महा-संयोजन (ग्रेट कन्जक्सन) भनिएको छ ।

यसअघि सन् १६२३ मा पनि यी दुई ग्रहहरू नजिकिएका थिए ।

तर, आज रातमा नजिक भने यी ग्रहहरू ८ सय वर्षपछि देखिने भएका हुन् ।