अखबार नेपाल ट्रेन्डिङ

काठमाडौं: वेष्टइन्डिज माथि न्युजिल्याण्डले पहिलो टी२० मा  शानदार जित हात पारेको छ ।अकल्याण्डमा शुक्रबार भएको खेलमा घरेलु टोली न्युजिल्याण्डले डीएल मेथडका आधारमा वेष्टइन्डिजलाई ५ विकेटले पराजित गरेको हो । वर्षाले प्रभावित भएपछि खेल १६ ओभरमा घटाइएको थियो ।

वेष्टइन्डिज टस हारेर पहिले ब्याटिङ गरेको  कप्तान काएरन पोलार्डको विष्फोटक ब्याटिङ मद्धतमा ७ विकेट गुमाएर १८० रन बनाएको थियो । वेस्ट इन्डिजले दिएको १८१ रनको लक्ष्य न्युजिल्याण्डले १५।२ ओभरमा ५ विकेट गुमाएर पूरा गर्यो । न्युजिल्याण्डको जितमा जेम्स निशमले अविजित रहँदै सर्वाधिक ४८ रन बनाए । निशमले २४ बल खेल्दै ५ चौका र ३ छक्का प्रहार गरे ।

यस्तै डेभोन कोन्वेले ४० रन जोडे । मिचेल सान्टनरले अविजित ३१ रन बनाए । भने ।ग्लेन फिलिप्सले ७ बलमा २२ रन जोडे । वेस्ट इन्डिजका ओशाने थोमसले २ विकेट लिए ।

वेस्ट इन्डिजका लागि कप्तान काएरन पोलार्डले अविजित ७५ रन बनाए । ३७ बल खेलेका पोलार्डले ४ चौका र ८ छक्का प्रहार गरे । यस्तै आन्द्रे फ्लेट्चरले ३४ र फाबियन एलनले ३० रन बनाए । न्युजिल्याण्डका लकी फर्गुसन एक्लैले ५ विकेट लिए । यस्तै कप्तान टिम साउथीले २ विकेट लिए ।

पहिलो खेल जित्दै न्युजिल्याण्डले ३ खेलको सिरिजमा १(० को अग्रता बनाएको छ । दुई टिमबीचको दोस्रो टी२० आइतबार हुनेछ ।

यो पनि पढ्नु होस्

https://www.akhabarnepal.com/2020/11/19612/