अखबार नेपाल ट्रेन्डिङ

चितवन : नेपाल प्रहरीको ६५औं प्रहरी दिवस असोज ३० गते मनाउँदैछ । प्रहरी दिवस नेपाल प्रहरीले विभिन्न कार्यक्रम गरी मनाउने भएको छ ।

यसैबीच चितवव भण्डारास्थित इलाका प्रहरी कार्यालय चितवनले पनि प्रहरी दिवस का अवसरमा राप्ती नगरपालिका ४ भाङबारीस्थित शिव मन्दिर परिसर सरसफाई गरेको छ ।

ईलाका प्रहरी कार्यालय भण्डाराका प्रमुख प्रहरी निरीक्षक राजिव गिरीको नेतृत्वमा उक्त शिव मन्दिर सरसफाई गरिएको हो । प्रहरी निरीक्षक गिरीका अनुसार आफ्नो संगठनको दिवसका अवसरमा केही उदारणीय काम गर्ने थालनी स्वरुप यो उक्त कार्यक्रम गरिएको हो ।

मन्दिर सरसफाई कार्यक्रममा १० जना प्रहरी कर्मचारी र स्थानीय व्यक्तिहरुको सहभागिता रहेको थियो ।