अखबार नेपाल ट्रेन्डिङ

काठमाडौं:  बुढानिलकण्ठ नलरपालिकाले होम आइसोलेसनमा रहेका संक्रमितलाई पोषण सुरक्षावापत रु ४ हजार साथै एकभन्दा बढी संक्रमित रहेको परिवारलाई रु ६ हजार एकमुष्ट प्रदान गर्ने भएको छ ।

बुढानिलकण्ठ नगरपालिका प्रमुख उद्धव प्रसाद खरेलको अध्यक्षतामा बसेको ५५ औं कार्यपालिका बैठकले पोषण सुरक्षावापत रकन प्रदान गर्ने निर्णय गरेको छ ।

उक्त  बैठकले नलरपालिकाले संक्रमितको सहयोगीलाई प्रोत्साहनस्वरुप प्रतिपरिवार रु दुई हजार दिने निर्णयसमेत भएको छ।

सो बैठकले प्रत्येक वडामा यसअघि सञ्चालनमा आएको क्वारेन्टाइन व्यवस्थित रुपमा सञ्चालन गर्ने र क्वारेन्टिन स्थल छनोट गरी तत्काल सञ्चालनमा ल्याइने निर्णय गरेको छ ।

साथै कोभिडको कारणले गर्नुपरेको बन्दाबन्दी तथा निषेधाज्ञाका समयमा सुरक्षाकर्मीको भूमिकालाई ध्यानमा राखी नगरपालिका क्षेत्रभित्र खटिने प्रहरीलाई प्रतिव्यक्ति रु एक हजार प्रोत्साहन भत्ता उपलब्ध गराउने भएको छ।

यसैगरी नगरपालिकाको स्वास्थ्य सुरक्षामा पहिलो घेरामा खटिने स्वास्थ्यकर्मीलाई ७५ प्रतिशत तथा निषेधाज्ञाका समयमा कार्यलयको आवश्यकतानुसार खटिने अन्य कर्मचारीलाई ५० प्रतिशत प्रोत्साहन भत्ता दिने निर्णय गरेको छ।