अखबार नेपाल ट्रेन्डिङ

काठमाडौं: किरात रदु नाछिरिङ साखाम केन्द्रले राजधानीमा एक कार्यक्रमको आयोजना गरि कक्षा-२ को पाठ्यपुस्तक विमोचन गरेको छ ।

शैक्षिक सत्र ०६७/७७ बाट सुरू भएको नाछिरिङ भाषाको पाठ्यक्रम तथा पाठ्यपुस्तक निर्माणको कार्यलाई निरन्तरता दिँदै कक्षा २ को पाठ्यपुस्तक प्रकाशन गरेको हो । गत वर्ष नै कक्षा ३ सम्मको पाठ्यक्रम तयार गरी कक्षा १ को पाठ्यपुस्तक कक्षा सन्चालनमा आईसकेको छ भने यो वर्ष कक्षा २ को पाठ्यपुस्तक कक्षा सन्चालनको तयारीका साथ पुस्तक प्रकाशन गरेको हो ।

पाठ्यपुस्तक प्रकाशन कार्य सकिएको भएतापनि शैक्षिक संस्थाहरू विश्वभर महामारीको रुप लिएको कोरोना भाइरसका कारण शैक्षिक संस्थान बन्द रहेकोले विद्यालयमा पाठ्यपुस्तक वितरण गर्न केहि समय ढिलो भएको प्रकाशन विभागका संयोजक भवी धराशायीले बताए ।

विमोचन कार्यक्रममा प्रमुख अतिथि आदिवासी जनजाति राष्ट्रिय प्रतिष्ठानका उपाध्यक्ष गोकुल घर्ति, किरात राई यायोक्खाको अध्यक्ष दिवस राई, किरात प्रज्ञा परिषद्का कुलपति जयकुमार राई, त्रिवि उप-प्राध्यापक तथा भाषाविद् डा. तारामणि राई, लोहोरुङ राई समाजका अध्यक्ष चित्र बहादुर लोहोरुङ, सचिव सुचिन लोहोरुङ, सगरमाथा आरोही युवराज राईको उपस्थितिको रहेको थियो ।

नाछिरिङ सामुदायको घनासङ्ख्या रहेको खोटाङ जिल्लाको एसेलुखर्क गाँउपालिका र सोलुखुम्बु जिल्लाको सोताङ गाँउपालिकामा पठनपाठन भईरहेको छ ।