अखबार नेपाल ट्रेन्डिङ

काठमाडौं: बलिउड अभिनेता इरफान खानको ५४ वर्षको उमेरमा निधन भएको छ । अचानक स्वास्थ्यमा समस्या आएपछि अस्पताल भर्ना भएका उनको निधन भएको हो । भारतीय सञ्चार माध्यमले जनाए अनुसार इरफानलाई मुम्बईस्थित कोकीलाबेन अस्पतालमा आइसियूमा भर्ना गरिएको थियो ।

क्यान्सरबाट पीडित खानलाई न्युरोएडोक्राइन ट्युमर भएको थियो । इरफानको उपचार चलिरहेका कारण उनी लामो समयदेखि बलिउडबाट टाढा रहेका थिए । हालैमात्र इरफानकी आमा सइदा बेगमको निधन भएको थियो । उनले आमाभन्दा टाढा भएकाले भिडियो कन्फ्रेन्सबाट आमाको अन्तिम दर्शन गरेका थिए । हालै उनको फिल्म अंग्रेजी मिडियम रिलिज भएको थियो । कोरोना भाइरसका कारण उनको फिल्म व्यवसायिक रुपमा सफल भएको थिएन ।