अखबार नेपाल ट्रेन्डिङ

काठमाडौं:  मोरङ, उर्लाबारी नगरपालिका – ३ चन्दनेचोक बस्ने ४० वर्षीय हरि गडतौलाको अन टेस्ट ट्याक्टरमा जडान गरिएको थ्रेसर मेसिनबाट खेतमा धान पराल दाउनी क्रममा मंगलबार दिउँसो आगलागी हुँदा ट्याक्टर, थ्रेसर मेसिन र धान पराल समेत जलेर करिब १५ लाख रुपैयाँ बराबरको धनमाल नष्ट भएको छ ।

सुनसरी, बराहक्षेत्र नगरपालिका – १० बाहुनी खोला बस्ने जानुका कार्कीको खेतमा धानमा थ्रेसर लगाउने क्रममा मंगलबार दिउँसो आगलागी हुँदा ट्याक्टर थ्रेसर, धान र पराल समेत जलेर करिब १९ लाख ६५ हजार  रुपैयाँ बराबरको धनमाल नष्ट भएको  छ ।

उदयपुर, ताप्ली गाउँपालिका – ३ दगले बस्ने नरमाया तामाङको गोठबाट आगो सल्किदा उनकै छोरा ननेन्द्र तामाङको घरमा समेत मंगलबार दिउँसो आगलागी हुँदा दुबै जनाको गोठ, घर र विभिन्न सामान जलेर करिब १३ लाख ४८ हजार रुपैयाँ  बराबरको धनमाल जलेर नष्ट भएको छ ।

उक्त क्षेत्रका स्थानीय बासिन्दा तथा दमकलको सहयोगमा आगलागी नियन्त्रणमा लिई यस सम्बन्धमा  थप अनुसन्धान गरिरहेको स्थानीय प्रहरीले जनाएको छ ।

यो पनि पढ्नुहोस् :https://www.akhabarnepal.com/2020/11/19245/