अखबार नेपाल ट्रेन्डिङ

काठमाडौ : नेपाल कम्युनिष्ट पार्टी(नेकपा)को वैठक बिना निष्कर्ष सकिएको छ ।

आज दिउसो १ बजेबाट शुरु भएको बैठक बिना निष्कर्ष सकिएको हो ।

विवाद समाधानका लागि भन्दै शुरु भएको वैठक निष्कर्शमै पुग्न नपाई सकिएको हो ।

वैठकमा पार्टी अध्यक्ष एवम् प्रधानमन्त्री केपी शर्मा ओली समेत सहभागी भएका थिए ।

त्यसअघि ओलीको सहभागिता हुने कि नहुने भन्नेमा अन्यौलता सिर्जना भएको थियो ।

पार्टीका अर्का अध्यक्ष पुष्पकमल दाहाल(प्रचण्ड)ले अध्यक्ष ओलीविरुद्ध पहिलो वैठकमा ३३ बुँदाको आरोपपत्र प्रस्तुत गरेपछि उनीहरुको समन्धमा दरार उत्पन्न गराएको थियो ।

त्यसपछि दाहालसँग रुष्ट भएका ओलीले सचिवालय वैठक डाकिएकै समयमा आकश्मिक मन्त्रीपरिषद वैठक बोलाएर राष्ट्रपति विद्यादेवी भण्डारीसँग भेट्न पुगेका थिए ।

ओली राष्ट्रपति भण्डारीलाई भेट्न गएपछि वैठकमा सहभागी हुन वालुवाटार पुगेका थिए ।

श्रोतका अनुसार वैठकमा महासचिव विष्णु पौडेलले जनभावनाअनुरुप काम गर्न नसकिएको भन्दै सबैले राजिनामा दिनुपर्ने कुरा प्रस्ताव गरेका थिए ।

महासचिव पौडेलको यस्तो प्रस्ताव आएपछि वैठकमा सहभागी सबै झसंग भएका थिए ।

उता प्रधानमन्त्री ओलीले अर्का अध्यक्ष दाहालको विरोधपत्र अध्धयन गर्न केी समय लाग्ने भन्दै समय माग गरेपछि १० दिनपछि बैठक बस्नेगरी सचिवालय वैठक स्थगित भएको वालुवाटार श्रोतले जनाएको छ ।

पार्टीका प्रवक्ता नारायणकाजी श्रेष्ठले अन्य विषयमा जानकारी नदिएपनि सचिवालय वैठक १० दिनपछि बस्नेगरी वैठक स्थगित भएको बताएका छन् ।

पार्टी फुटको संघारमा पुगेको भन्दै चारैतिर हल्ला खल्ला मच्चिएको छ ।

यसले पार्टी नेतृत्वलाई दबाब पनि परेको छ ।

आज वारपारको स्थििति हुनसक्ने भन्दै नेकपाका कार्यकर्ताहरुले सामाजिक संजालमा विभिन्न खालको पोष्टहरु गरेको देखिन्छ ।

सचिवालय वैठक सकिएपछि अब फेरी मन्त्रीपरिषदको वैठक बस्ने तयारी भईरहेको छ ।

र यो पनि पढ्नुहोस्ः

पार्टी फुटको हल्लाले नेकपामा खैलाबैला,के होला आज ?
कोरोना जोखिम नभएका स्थानीय तहका विद्यालय सञ्चालनका लागि बाटो खुल्यो
प्रधानमन्त्री केपी शर्मा ओली र चिनियाँ राजदूत हाउ यान्छीबीच मध्यरातमा भेटवार्ता