अखबार नेपाल ट्रेन्डिङ

काठमाडौं: हर्क साम्पाङ नेतृत्वको श्रम संस्कृति पार्टीले प्रतिनिधिसभा सदस्यको निर्वाचनमा ३ सिट जितेको छ । अध्यक्ष साम्पाङले सुनसरी-१, आरेन राईले खोटाङ र ध्रुवराज राईले भोजपुरमा निर्वाचन जितेका हुन् ।

सुनसरी-१ मा हर्क साम्पाङ ३५ हजार ७४१ मत प्राप्त गरी विजयी भए । उनको निकटम प्रतिद्वन्द्वी रास्वपाकी गोमा तामाङले २७ हजार २४९ मत ल्याएकी थिइन् । एमालेका टिकाराम तामाङले ६ हजार ४६३ मत ल्याए ।

त्यसैगरी श्रम संस्कृति पार्टी खोटाङमा १६ हजार ६१२ मत सहित आरेन राई विजयी भए । उनको निकटम प्रतिद्वन्द्वी एमालेका देवविक्रम राईले १२ हजार ७१४ मत ल्याए भने कांग्रेसका वीरकाजी राईले ११ हजार ९५७ मत ल्याए ।

त्यस्तै श्रम संस्कृति पार्टीबाट भोजपुरमा १६ हजार ६६३ मत प्राप्त गरी ध्रुवराज राई निर्वाचित भएका छन् । त्यहाँ उनको निकटम प्रतिद्वन्द्वी एमालेका शेरधन राईलाई पराजित गरेका हुन् । शेरधनले १४ हजार ७५० मत ल्याए । कांग्रेसका बालकृष्ण थापाले ८ हजार ६७० मत ल्याएका थिए ।

समानुपातिकतर्फ पनि ४२ लाख बढी मत गणना हुँदा श्रम संस्कृति पार्टीले ९७ हजार ६६० मत ल्याएका छन् ।