ठूलो पहिरो गएकाले नारायणगढ-मुग्लिन सडक अवरुद्ध
वि.सं.२०८० असार १७ आइतवार ०८:०४
काठमाडौं: चितवनको इच्छाकामना गाउँपालिका-५ स्थित तीन नम्बर पुलमा गएराति पहिरो खसेपछि नारायणगढ-मुग्लिन सडक दुईतर्फी अवरुद्ध भएको छ ।
पहिरो पञ्छाउने तयारी भइरहेको इलाका प्रहरी कार्यालय मुग्लिनले जनाएको छ । पहिरोमा विद्युतको तार रहेको र सो तार हटाएपछि पहिरो पन्छाउन सुरु गरिने इलाका प्रहरी कार्यालय मुग्लिनले जनाएको छ ।
सोही स्थानमा गत बिहीबारदेखि पटक-पटक पहिरो खस्दा सडक अवरुद्ध हुँदै आएको छ । यो सडक हुँदै दैनिक औसतमा १० हजार सवारीसाधन आउजाउ गर्ने गर्दछन् । पटक-पटक सडक बन्द हुँदा पूर्व र पश्चिम हुँदै काठमाडौं ओहोरदोहोर गर्ने यात्रुहरु बढी मर्कामा परेका छन् ।
वि.सं.२०८० असार १७ आइतवार ०८:०४