अखबार नेपाल ट्रेन्डिङ

काठमाडौं: आज प्रतिनिधि सभाको बैठक बस्दै छ । संसद् सचिवालयका अनुसार बैठक संसद् भवन नयाँ बानेश्वरमा बिहान ११ बजे बस्नेछ ।

बैठकका लागि सम्भावित कार्यसूची सार्वजनिक गरिएको छ । जस अनुसार आजको बैठकमा आर्थिक विधेयक, २०८० बारे छलफल हुने र त्यसमा प्राप्त संशोधनहरूलाई निर्णयार्थ प्रस्तुत गरिनेछ ।

त्यस्तै अर्थमन्त्री डा. प्रकाशशरण महतले आर्थिक विधेयक, २०८० लाई पारित गरियोस् भनी प्रस्ताव प्रस्तुत गर्ने सम्भावित कार्यसूचीमा छ ।

आजै राष्ट्र ऋण उठाउने विधेयक, २०८० को दफावार छलफल गरिने र यसमा प्राप्त संशोधनहरूलाई निर्णयार्थ प्रस्तुत गर्ने कार्यक्रम छ । यसपछि अर्थमन्त्री महतले उक्त विधेयक पारितका लागि प्रस्ताव पेस गर्ने सम्भावित कार्यसूचीमा जनाइएको छ ।