अखबार नेपाल ट्रेन्डिङ

काठमाडौं: आईसीसी यू-१९ विश्वकप अन्तर्गत सुपर सिक्सको आफ्नो अन्तिम खेलमा नेपालले आज भारतसँग खेल्दै छ । खेल नेपाली समय अनुसार दिउँसो १:४५ बजे  दक्षिण अफ्रिकाको ब्लोमफोन्टेनमा सुरु हुनेछ ।

नेपाल प्रतियोगिताबाट बाहिरिसकेको भएपनि भारतलाई हराएर सुखद् अन्त्य गर्ने लक्ष्य हुनेछ । विश्वकपमा नेपालले भारतसँग यसअघि दुईपटक खेलेको छ । तर ती दुवै खेलमा नेपाल पराजित भएको थियो । सन् २००० मा नेपाली टोलीलाई भारतले ८ विकेटले हराएको थियो भने सन् २०१६ को विश्वकपमा नेपाल भारतसँग ७ विकेटले पराजित भएको थियो । २०१७ यू-१९ एसिया कपमा भने नेपालले भारतलाई १९ रनले पराजित गरेको थियो ।