अखबार नेपाल ट्रेन्डिङ

काठमाडौं: नेपालमा जारी छैटौं संस्करणको महिला साफ च्याम्पियनसिप फुटबल अन्तर्गत आज समूह ‘ए’ को समूह चरणका अन्तिम दुई खेलहरु खेलहरु हुँदैछन् ।

त्रिपुरेश्वरस्थित दशरथ रंगशालामा हुने पहिलो खेलमा माल्दिभ्स र पाकिस्तान भिड्ने छन् । यी दुईबीचको खेल दिउँसो १ बजे सुरु हुनेछ ।

दुबै टोली प्रतियोगिताबाट बाहिरिसकेका छन् । आज जित निकाल्दै दुबै टोली प्रतियोगिताको सुखद अन्त्यको योजनामा हुनेछ ।

यस्तै दोस्रो खेलमा भारत र बंगलादेशबीच प्रतिस्पर्धा हुनेछ । यी दुईबीचको खेल साँझ ५:३० मा सुरु हुनेछ ।

भारत र बंगलादेश सेमिफाइनलमा प्रवेश गरिसकेको छ । तर, यस खेलपछि समूह विजेता र उपविजेता तय हुनेछ ।

समूह ‘बी’ बाट नेपाल र भुटानले भने सेमिफाइनलको यात्रा तय गरिसकेका छन् ।

प्रतियोगितामा आयोजक नेपाल, भारत, श्रीलंका, भुटान, बंगलादेश, पाकिस्तान र माल्दिभ्सको सहभागिता रहेको छ ।