निलम्बित प्रधानन्यायाधीश जबराको बयान आज सकिँदै
वि.सं.२०७९ भदौ २८ मंगलवार १०:४०
काठमाडौं: निलम्बित प्रधानन्यायाधीश चोलेन्द्र शमशेर जबराविरुद्धको महाभियोग सिफारिस समितिको बैठक दिउँसो १ बजे सिंहदरबारमा बस्दै छ ।
समितिले जबरासँग लिखित र मौखिक गरी ४३ प्रश्नको रोस्टर तयार पारेको थियो । आज सबै प्रश्न सोधेर सक्ने तयारी छ ।
जबराले अब बाँकी ८ वटा प्रश्नको जवाफ दिनुपर्नेछ । उनले चौथो दिनको बयान सकिँदासम्म ३५ प्रश्नको जवाफ दिएका हुन् ।
तेस्रो दिनसम्म ११ वटा प्रश्नको जवाफ दिएका उनले चौथो दिन आइतबार उनले थप २४ वटा प्रश्नको जवाफ दिएका हुन् ।
संसदले महाअभियोगमाथि छानविन गरेर प्रतिवेदन बुझाउन तीन महिनाको समय दिएको छ । तर, समितिले एक महिना पनि काम गर्न नपाउने भएको छ ।
वि.सं.२०७९ भदौ २८ मंगलवार १०:४०