अखबार नेपाल ट्रेन्डिङ

एजेन्सी: पेरिस सेन्ट जर्मेन (पीएसजी) कप दि फ्रान्सको प्रि–क्वाटरफाइनलमा प्रवेश गरेको छ ।

अन्तिम ३२ को खेलमा लिग वान प्रतिद्धन्द्धी ब्रेस्टमाथि ३–० को सहज जित निकाल्दै अन्तिम १६ को यात्रा तय गर्न सफल भएको हो ।

ब्रेस्टको घरेलु मैदानमा गएराति भएको खेलमा पीएसजीको सहज जितमा केलियन एमबाप्पेले दुई तथा पाब्लो सारावियाले एक गोल गरे ।

खेलको ९औं मिनेटमा एमबाप्पेको गोलबाट पीएसजीले घरेलु टोलीविरुद्ध अग्रता लिन सफल भयो ।

खेलको ४४औं मिनेटमा पाब्लो सारावियाले गोल गर्दै पीएसजीलाई पहिलो हाफमा २–० को अग्रता दिलाए ।

७४औं मिनेटमा एमबाप्पेले व्यक्तिगत दोस्रो तथा टोलीका लागि तेस्रो गोल गर्दै पीएसजीलाई ३–० को सहज जित दिलाए ।

त्यसैगरी गएराती नै भएको अर्को खेलमा लियोनले सोसुकमाथि ५–२ को जित निकाल्दै अन्तिम १६ मा प्रवेश गर्न सफल भएको छ ।

लियोनको जितमा रायन चेर्कीले दुई तथा बेनलामरी, म्याक्सवेल कर्नेट र जासोन डिनाएरले गोल गरे ।

स्पेनिस ला लिगा फुटबलमा बार्सिलोनाको सहज जित
इटालियन सिरी ‘ए’ फुटबलमा युभेन्ट्सको जित
जर्मन बुन्डेसलिगा फुटबलमा बोरुसिया डर्टमण्डविरुद्ध बायर्न म्युनिखको उत्कृष्ट जित