अखबार नेपाल ट्रेन्डिङ

एजेन्सीः इंग्लिस प्रिमियर लिगमा लेस्टर सिटीले ब्राइटनमाथि उसकै मैदानमा २–१ को जित निकालेको छ ।

गएराति भएको खेलमा लेस्टको जितमा केलिची इहानाचो र ड्यानियल अमार्टेले गोल गरे । घरेलु टोली ब्राइटनका इडाम लालनाले एक गोल गरे ।

खेलको १०औं मिनेटमा लालनाको गोलबाट ब्राइटनले अग्रता लिएको थियो । तर त्यो अग्रतालाई ब्राइटनले बचाउन सकेन ।

खेलको ६२औं मिनेटमा केलिची इहानाचोले गोल गर्दै खेललाई १–१ गोलको बराबरीमा ल्याए ।

खेल सकिन ३ मिनेट बाँकी रहँदा ड्यानियल अमार्टेले गोल गर्दै लेस्टरलाई २–१ को पूनरागमन जित दिलाए ।

जितसँगै लेस्टर २८ खेलबाट ५३ अंक जोडेर दोस्रो स्थानमा उक्लिएको छ ।

लेस्टरले एक खेल कम खेलेको म्यानचेस्टर युनाइटेडलाई २ अंकले पछि पार्दै दोस्रो स्थानमा उक्लिएको हो ।

युनाइटेडको ५१ अंक छ । शीर्षस्थानको म्यानचेस्टर सिटीको २७ खेलबाट ६५ अंक छ ।

पराजित ब्राइटन २६ अंक जोडेर १६औं स्थानमा छ ।

पीएसजी कप दि फ्रान्सको प्रि-क्वाटरफाइनलमा प्रवेश
स्पेनिस ला लिगा फुटबलमा बार्सिलोनाको सहज जित
इटालियन सिरी ‘ए’ फुटबलमा युभेन्ट्सको जित
जर्मन बुन्डेसलिगा फुटबलमा बोरुसिया डर्टमण्डविरुद्ध बायर्न म्युनिखको उत्कृष्ट जित