अखबार नेपाल ट्रेन्डिङ

एजेन्सी: सिरी ‘ए’ मा शीर्ष क्लब इन्टर र एसी मिलान विजयी इन्टर मिलानले जेनोवालाई ३–० ले पराजित गरेको छ ।

जितसँगै सिरी ‘ए’मा इन्टरले शहरी प्रतिद्वन्द्वी एसी मिलानसँग चार अंकको दुरी कायम राखेको छ ।

लुकाकुको गोलबाट इन्टरले ३२ सेकेन्डमै अग्रता लिएको थियो ।

सिरी ‘ए’मा लुकाकुको लिगमा यो १८औं गोल हो ।

६९औं मिनेटमा लुकाकुकै पासमा माटेयो डरमैनले अग्रता दोब्बर बनाए ।

खेल सकिन ११ मिनेट बाँकी हुँदा वैकल्पिक खेलाडी एलेक्स सान्चेजले अर्को गोल थपेपछि इन्टरको जित पक्का भएको थियो ।

जितपछि इन्टरले २४ खेलबाट ५६ अंक जोडेको छ ।

दोस्रो स्थानमा रहको एसी मिलानले पनि समान खेलबाट ५२ अंक जोडेको छ ।

मिलानले गएराति नै पाँचौं स्थानको एएस रोमालाई २–१ ले पराजित गरेको थियो ।

मिलानले फ्रांक केसिईको पेनाल्टी गोलबाट ४३औं मिनेटमा अग्रता लिएको थियो ।

५०औं मिनेटमा जोर्डन भेरेटआउटले बराबरी गोल फर्काए ।

त्यसको आठ मिनेटपछि एन्टे रेबिकले गरेको गोल मिलानको जितमा निर्णायक बन्यो ।

यो पनि पढ्नु होस्

https://www.akhabarnepal.com/%e0%a4%aa%e0%a5%8d%e0%a4%b0%e0%a4%bf%e0%a4%ae%e0%a4%bf%e0%a4%af%e0%a4%b0-%e0%a4%b2%e0%a4%bf%e0%a4%97%e0%a4%ae%e0%a4%be-%e0%a4%86%e0%a4%9c%e0%a4%b0%e0%a4%be%e0%a4%a4%e0%a4%bf-%e0%a4%b2%e0%a4%bf/